Fimm félög enn með fullt hús í Evrópudeildinni - úrslit kvöldsins

Enska liðið Tottenham, ítalska liðið Fiorentina, búlgarska liðið Ludogorets Razgrad, austurríska liðið Red Bull Salzburg og þýska liðið Eintracht Frankfurt eru öll með níu stig af níu mögulegum eftir þrjár fyrstu umferðirnar í Evrópudeildinni í fótbolta.

Gylfi Þór Sigurðsson var hvíldur í 2-0 sigri á Sheriff Tiraspol í Moldavíu en það voru Jan Vertonghen og Jermain Defoe sem skoruðu mörk liðsins. Tottenham hefur unnið alla fimm Evrópuleiki sína á tímabilinu og er ekki enn búið að fá á sig mark.

Hristo Zlatinski tryggði búlgarska liðinu Ludogorets 1-0 útisigur á Chornomorets Odessa en Búlgarnirnir eru með 9 stig og markatöluna 6-0 eftir þrjá leiki.

Fiorentina vann öruggan 3-0 heimasigur á rúmenska liðinu Pandurii Târgu Jiu og Eintracht Frankfurt vann ísraelska liðið Maccabi Tel Aviv 2-0. Bæði eru þau með fullt hús.

Red Bull Salzburg og Standard Liege misstu bæði mann af velli í fyrri hálfleik og KR-banarnir frá Belgíu enduðu síðan leikinn níu á móti tíu. Red Bull Salzburg komst í 2-0 og vann leikinn á endanum 2-1 en austurríska liðið er því með fullt hús og þriggja stiga forskot á danska liðið Esbjerg.

Kristinn Jakobsson sleppti því að gefa leikmanni Swansea rautt spjald í fyrri hálfeik en dæmdi svo réttilega víti í uppbótartíma þar sem að Djibril Cissé tryggði Kuban Krasnodar 1-1 jafntefli á útivelli á móti Swansea. Swansea var búið að vinna tvo fyrstu leiki sína og aðeins hársbreidd frá því að vinna þann þriðja í Wales í kvöld.

FH-banarnir í Genk töpuðu sínum fyrstu stigum í riðlakeppninni þegar Belgarnir gerðu 1-1 jafntefli við Rapid Vín á heimavelli. Genk var yfir rúman klukkutíma en Austurríkismennirnir jöfnuðu átta mínútum fyrir leikslok.

Spænska liðið Sevilla tapaði líka sínum fyrstu stigum þegar liðið gerði 1-1 jafntefli á móti Slovan Liberec á útivelli.



Úrslit og markaskorarar í Evrópudeildinni:

- Leikir sem hófust klukkan 19.05 -

C-riðill

Elfsborg - Esbjerg    1-2    

0-1 Hans Henrik Andreasen (7.), 0-2 Hans Henrik Andreasen (67.), 1-2 Jon Jönsson (69.)

    

Red Bull Salzburg - Standard Liege    2-1        

1-0 Jonathan Soriano (53.), 2-0 André Ramalho (85.), 2-1 Geoffrey Mujangi Bia (88.)

A-riðill

Swansea - Kuban Krasnodar    1-1

1-0 Michu (68.), 1-1, Djibril Cissé, víti (90.+3)

Valencia - St. Gallen    5-1    

1-0 Paco Alcácer (12.), 2-0 Fede Cartabia (21.), 3-0 Fede Cartabia (30.), 4-0 Ricardo Costa (33.), 5-0 Sergio Canales (71.), 5-1 Stephane Nater (74.)

E-riðill

FC Pacos - Dnipro     0-2

0-1 Ruslan Rotan (93.), 0-2 Yevhen Konoplyanka (86.)

Fiorentina - Pandurii Targu Jiu    3-0        

1-0 Joaquín (26.), 2-0 Ryder Matos (34.), 3-0 Juan Cuadrado (69.)

B-riðill

Chernomorets Odessa - Ludogorets    0-1

0-1 Hristo Zlatinski (45.)

Dinamo Zagreb - PSV Eindhoven    0-0    

D-riðill

Wigan - Rubin Kazan    1-1    

0-1 Aleksandr Prudnikov (16.), 1-1 Nick Powell (40.)

    

Zulte Waregem - NK Maribor    1-3

1-0 Davy De Fauw (12.), 1-1 Matic Crnic (21.), 1-2 Ales Mertelj (34.), 1-3 Dejan Mezga (49.)

F-riðill

Bordeaux - Apoel Nicosia    2-1

1-0 Ludovic Sané (24.), 1-1 Esmaël Gonçalves (45.), 2-1 Henrique (90.)

Frankfurt - Maccabi Tel Aviv    2-0

1-0 Václav Kadlec (13.), 2-0 Alexander Meier (53.)

- Leikir sem hófust klukkan 16.00 eða 17.00 -

K-riðill

Anzhi Makhachkala - Tromsö    1-0    

1-0 Nikita Burmistrov (18.)

    

Sheriff Tiraspol - Tottenham    0-2

0-1 Jan Vertonghen (12.), 0-2 Jermain Defoe (75.)

L-riðill

Shakhter Karagandy - AZ Alkmaar    1-1    

1-0 Andrey Finonchenko (11.), 1-1 Jóhann Berg Gudmundsson (26.)

    

PAOK - Maccabi Haifa    3-2    

0-1 Dino Ndlovu (13.), 0-2 Eyal Golasa (21.), 1-2 Miguel Vítor (35.), 2-2 Sotiris Ninis (39.), 3-2 Dimitris Salpingidis (66.)

I-riðill

Lyon - Rijeka    1-0    

1-0 Clément Grenier (67.)

Real Betis - Vitória de Guimaraes    1-0

1-0 Álvaro Vadillo (50.)

    

H-riðill

Slovan Liberec - Sevilla    1-1

1-0 Michal Rabusic (20.), 1-1 Vitolo (88.)

Freiburg - Estoril Praia    1-1    

1-0 Vladimir Darida (11.), 1-1 Sebá (53.)

J-riðill

Trabzonspor - Legia Varsjá    2-0    

1-0 Marc Janko (7.), 2-0 Olcan Adin (82.)

    

Apollon Limassol - Lazio    0-0        

G-riðill

Genk - Rapid Vín    1-1

1-0 Julien Gorius (21.), 1-1 Marcel Sabitzer (82.)

        

Dynamo Kiev - FC Thun    3-0    

1-0 Andriy Yarmolenko (35.), 2-0 Dieumerci Mbokani (60.), 3-0 Oleh Husyev (78.)