Lokaumferð Pepsi-deildar kvenna færð til sunnudags

Íslandsmeistarar Stjörnunnar munu veita bikarnum viðtöku að loknum leik liðsins gegn Breiðabliki á sunnudaginn.

Upphaflega átti lokaumferðin að fara fram á mánudaginn en mótanefnd KSÍ ákvað að flýta umferðinni um einn dag. Allir leikirnir hefjast klukkan 13.

Bein útsending verður frá grannaslag Stjörnunnar og Blika á Samsung-vellinum í Garðabæ. Leikurinn verður bæði sýndur á Stöð 2 Sport og á Vísi.

Næstsíðasta umferðin fer fram annað kvöld. Allir leikirnir hefjast klukkan 17.30. Viðureign Breiðabliks og Þórs/KA verður í beinni á Stöð 2 Sport 3 og Vísi.

Staðan í Pepsi-deild kvenna.