San Siro-stúkan verður tóm á næsta heimaleik Inter

Internazionale má ekki hafa neina áhorfendur í norðurstúkunni á næsta heimaleik liðsins í ítölsku deildinni sem verður á móti Fiorentina 26. september næstkomandi. Ítalska knattspyrnusambandið refsaði félaginu í dag fyrir hegðun stuðningsmanna þess á dögunum.

Stuðningsmenn Internazionale gerðu sig enn á ný seka um kynþáttarníð í 1-1 jafnteflisleik á móti Juventus um síðustu helgi en auk þess var lasergeisla beint að bæði leikmönnum Juve sem og dómaranum.

Internazionale fékk auk þess sekt upp á fimmtán þúsund evrur sem eru um 2,5 milljónir íslenskra króna.

46 þúsund manns mættu á leik Internazionale og Juventus á laugardaginn. Mauro Icardi kom Inter í 1-0 á 73. mínútu en Arturo Vidal janfaði metin aðeins tveimur mínútum síðar. Bæði liðin hafa sjö stig eftir þrjár umferðir en Napoli og Roma eru einu liðin með fullt hús.