Balotelli gengur á vatni

Ítalski knattspyrnumaðurinn Mario Balotelli fær þann heiður að vera á forsíðu bandaríska íþróttablaðsins Sports Illustrated í dag. Þar er Balotelli sagður vera áhugaverðasti maður heims í dag.

Forsíðumyndin er mögnuð en þar virðist Balotelli ganga á vatni. Í raun stendur hann á plexigleri en myndin er tekin á hóteli í Miami.

Það segir sitt um áhuga heimsins á Balotelli að hann sé kominn á forsíðu þessa merka blaðs. Þar er hann í raun kynntur fyrir bandarískum íþróttaáhugamönnum og sögur sagðar sem flestum knattspyrnuáhugamönnum eru kunnar.

Balotelli er líka spurður út í allar kjaftasögurnar og áhugaverðustu fréttirnar. Þar segist hann hafa gefið félaga sínum í AC Milan Bentley-bílinn sem var í felulitunum og neitar því líka að hafa rætt við dreng sem átti að hafa grætt stuðningsmann hans.

Viðtalið er áhugavert og það má lesa hér.