Telma hársbreidd frá þriðju umferð

Telma Rut Frímannsdóttir komst í aðra umferð í -61 kg flokki í kumite á Evrópumeistaramótinu í karate í Búdapest í Ungverjalandi.

Telma lagði írskan andstæðing í fyrstu umferð nokkuð örugglega 3-1. Í annarri umferð mætti hún Petrescu frá Ísrael og var bardaginn æsispennandi. Fór svo að dómararnir þurftu að kveða upp úrskurð og dæmdu þeir Petrescu 3-2 sigur.

Kristján Helgi Carrasco tapaði 4-0 gegn enskum andstæðingi sínum í -67 kg flokki í kata. Þá beið Aðalheiður Rósa Harðardóttir lægri hlut 5-0 gegn spænskum andstæðingi í fyrstu umferð. Í uppreisnarbardardaga sínum mætti hún svissneskum andstæðingi en tapaði 4-1.