Lotus veit að Kimi fer hvergi

Kimi Raikkönen, liðsmaður Lotus-liðsins í Formúlu 1, mun aka áfram fyrir sama lið á næsta ári ef Lotus nær að smíða öflugan bíl og halda Kimi í forystu. Gerard Lopez, eigandi liðsins er sannfærður um þetta.

„Kimi er frábær gaur. Hann er víst mjög mjög þakklátur fyrir þá stöðu sem við höfum komið honum í nú þegar,“ sagði Lopez við Autosport. „Við erum jafnframt þakklát fyrir það sem hann hefur komið með að borðinu.“

„Í heiðarleika sagt er ég sannfærður um að ef hann fær það sem hann vill frá okkur mun hann halda áfram að aka fyrir okkur.“

Samningur Kimi við Lotus-liðið rennur út í lok þessa árs. Á næsta ári verða gerðar þó nokkrar breytingar á Formúlu 1 sem mun stokka upp í röð liðanna ef allir halda ekki á spilunum rétt. Forþjappaðar V6-vélar verða í fyrsta sinn notaðar og þykist Lotus vera komið á sporið með hvernig eigi að tækla þessar breytingar án þess að tapa keppninni um fyrsta sætið.