Formúla 1

Red Bull kemst á fyrstu æfingarnar

Birgir Þór Harðarson skrifar
Nýi Red Bull-bíllinn veðrur tilbúinn í tæka tíð samkvæmt áætlunum liðsins.
Nýi Red Bull-bíllinn veðrur tilbúinn í tæka tíð samkvæmt áætlunum liðsins. nordicphotos/Afp
Áætlanir Red Bull-liðsins gera ráð fyrir því að liðið geti tekið þátt í fyrstu æfingum ársins á Jerez-brautinni í byrjun febrúar. Adrian Newey, tæknistjóri liðsins, sagði við fjölmiðla fyrr í vikunni að hönnun og smíði nýja bílsins væri á eftir áætlun.

Nú hefur liðið ákveðið dagsetninguna hvenær nýi RB9-bíllinn verður frumsýndur en það verður í höfuðstöðvum liðsins í Milton Keynes norður af London þann 3. febrúar. Æfingarnar hefjast svo 5. febrúar á Spáni.

Auk Red Bull hafa þrjú keppnislið nefnt dagsetningu í þessum efnum. McLaren-bíllinn verður frumsýndur 31. janúar, Force India-bíllinn 1. febrúar og Sauber-bíllinn 2. febrúar.

Æfingarnar fyrir keppnistímabilið 2013 fara allar fram á Spáni en á tveimur brautum; Í Jerez og í Barcelona. Keppnistímabilið hefst svo í Melbourne í Ástralíu 17. mars.

Æfingadagsrkáin:

Jerez - 5.-8. febrúar

Barcelona - 19.-22. febrúar

Barcelona - 28. febrúar - 3. mars.

Mark Webber þarf ekki að hafa áhyggjur af því að þurfa að aka traktor fyrstu mót ársins.
Formúla

Tengdar fréttir

Newey: Við erum á eftir áætlun

Nú þegar keppnisliðin í Formúlu 1 keppast við að leggja lokahönd á keppnisbíla sína fyrir næsta tímabil eru heimsmeistarar Red Bull í vandræðum, að sögn Adrian Newey, aðalhönnuðar og tæknistjóra liðsins.

Mest lesið


Fleiri fréttir

Sjá meira


×

Mest lesið