Geta stýrt vél með hugarafli

Svissneskum vísindamönnum hefur tekist að gera lömuðu fólki kleift að stýra fjarlægum vélbúnaði með hugaraflinu einu saman.

Vísindamennirnir starfa við Tækniháskólann í Lausanne. Tilraunin á að vera skref í áttina að því að lamað fólk eigi auðveldara með að komast í tengsl við umhverfi sitt.

Svipaðar tilraunir hafa verið gerðar í Bandaríkjunum og Þýskalandi, en þar voru ýmist sjúklingarnir ólamaðir eða gera þurfti heilaskurðaðgerð til að koma fyrir stýribúnaði.

Í svissnesku tilrauninni þurfti aðeins að setja einfalda hettu á höfuð sjúklinganna til að skrá merki frá heilanum.- gb