Adele á Ólympíuleikunum

Fregnir herma að breska söngkonan Adele komi fram á lokahátíð Ólympíuleikanna, sem fram fara í London í sumar. Bresk tónlist verður í hávegum höfð á hátíðinni og The London Symphony Orchestra leikur undir. Þekktir breskir popparar, sem og nýir, verða fengnir til að flytja goðsagnakennda breska popptónlist.

Orðrómur hefur verið um að Rolling Stones, Paul McCartney og Spice Girls komi einnig fram en það hefur ekki fengist staðfest.

Adele hlaut sex Grammy-verðlaun fyrr í mánuðinum.