Tætum og tryllum Haukur Viðar Alfreðsson skrifar 21. febrúar 2012 08:00 Bíó. Safe House. Leikstjórn: Daniel Espinosa. Leikarar: Denzel Washington, Ryan Reynolds, Vera Farmiga, Brendan Gleeson, Sam Shepard, Robert Patrick, Nora Arnezeder. Tobin Frost, alræmdur bandarískur gagnnjósnari, gengur inn í bandaríska sendiráðið í Höfðaborg og gefur sig fram. Hann er færður til yfirheyrslu í athvarfshúsi á vegum CIA, en það er lágt settur leyniþjónustumaður að nafni Matt Weston sem gætir hússins. Eftir mannskæða árás byssumanna á húsið nær Weston að sleppa með fangann í farangursrými bifreiðar, en það reynist hægara sagt en gert að gæta fangans um leið og skotglaðir ribbaldar herja á tvíeykið. Það fer lítið fyrir frumleikanum í þessum annars ágæta spennutrylli. Washington hefur nærveru á við tvo og kemur það sér ágætlega þar sem Reynolds er litlaus þumbi. Myndin fer kröftuglega af stað en undir miðbik fer að halla eilítið undan fæti og kunnuglegar klisjurnar hrannast upp. Leikstjórinn sér þó til þess að engum leiðist, og er það almennur ærslagangur sem heldur myndinni á floti til enda. En þessi sami ærslagangur er stundum á mörkum hins yfirgengilega. Hávaðinn í Safe House er mikill, ofbeldið óvenju hrottalegt og krónískur hristingur virðist hrjá kvikmyndatökumanninn. Ef til vill ber ég í bakkafullan lækinn þegar ég kvarta undan því, en enn þá hef ég ekki hitt eina einustu manneskju sem hefur gaman af þessum tökustíl. Washington og félagar ná þrátt fyrir allt saman og skila af sér ágætum hasar. Niðurstaða: Mundu eftir eyrnatöppunum. Og sjóveikispillunum. Lífið Mest lesið Sama hvað öllum finnst, nema mömmu og pabba Tónlist Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf Freðinn faðir, fáránlegir fasistar og fyrsta flokks bíó Gagnrýni „Ákvað að skilja hana eftir þar og athuga hversu langt ég kæmist“ Lífið Úrval Útsýn hefur svarað kalli um björgunarfargjöld Lífið samstarf „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bíó. Safe House. Leikstjórn: Daniel Espinosa. Leikarar: Denzel Washington, Ryan Reynolds, Vera Farmiga, Brendan Gleeson, Sam Shepard, Robert Patrick, Nora Arnezeder. Tobin Frost, alræmdur bandarískur gagnnjósnari, gengur inn í bandaríska sendiráðið í Höfðaborg og gefur sig fram. Hann er færður til yfirheyrslu í athvarfshúsi á vegum CIA, en það er lágt settur leyniþjónustumaður að nafni Matt Weston sem gætir hússins. Eftir mannskæða árás byssumanna á húsið nær Weston að sleppa með fangann í farangursrými bifreiðar, en það reynist hægara sagt en gert að gæta fangans um leið og skotglaðir ribbaldar herja á tvíeykið. Það fer lítið fyrir frumleikanum í þessum annars ágæta spennutrylli. Washington hefur nærveru á við tvo og kemur það sér ágætlega þar sem Reynolds er litlaus þumbi. Myndin fer kröftuglega af stað en undir miðbik fer að halla eilítið undan fæti og kunnuglegar klisjurnar hrannast upp. Leikstjórinn sér þó til þess að engum leiðist, og er það almennur ærslagangur sem heldur myndinni á floti til enda. En þessi sami ærslagangur er stundum á mörkum hins yfirgengilega. Hávaðinn í Safe House er mikill, ofbeldið óvenju hrottalegt og krónískur hristingur virðist hrjá kvikmyndatökumanninn. Ef til vill ber ég í bakkafullan lækinn þegar ég kvarta undan því, en enn þá hef ég ekki hitt eina einustu manneskju sem hefur gaman af þessum tökustíl. Washington og félagar ná þrátt fyrir allt saman og skila af sér ágætum hasar. Niðurstaða: Mundu eftir eyrnatöppunum. Og sjóveikispillunum.
Lífið Mest lesið Sama hvað öllum finnst, nema mömmu og pabba Tónlist Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Baunar á kókaða söngkonu fyrir baktal Tónlist Þessi litla breyting breytti í raun öllu! Lífið samstarf Freðinn faðir, fáránlegir fasistar og fyrsta flokks bíó Gagnrýni „Ákvað að skilja hana eftir þar og athuga hversu langt ég kæmist“ Lífið Úrval Útsýn hefur svarað kalli um björgunarfargjöld Lífið samstarf „Rétturinn sem fjölskyldan þín mun elska og biðja um aftur og aftur“ Lífið Útbjó lágkolvetna prógram fyrir systur sína sem léttist strax og fékk meiri orku Lífið Fleiri fréttir Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira