House hættir göngu sinni

Bandarísku sjónvarpsþættirnir House ljúka göngu sinni í Bandaríkjunum í apríl þegar sýningum lýkur á áttundu þáttaröðinni. Framleiðendurnir, þar á meðal aðalleikarinn Hugh Laurie, sögðu að ákvörðunin hefði verið sársaukafull en tími væri kominn að binda enda á þættina.

Laurie leikur Gregory House, snjallan lækni sem virðist eiga erfitt með að læra almenna mannasiði. Þættirnir hafa hlotið yfir fjörutíu verðlaun síðan þeir hófu göngu sína, þar á meðal Emmy- og Golden Globe-verðlaun.