Oddur Ólafsson kominn heim í Hveragerði

Körfuknattleikskappinn Oddur Ólafsson er snúinn heim frá Bandaríkjunum og mun klára leiktímabilið með Hamri í 1. deild karla.

Oddur hefur verið við nám í Birmingham Southern háskólanum í Bandaríkjunum í hálft annað ár auk þess að spila með skólaliði félagsins. Hann segir í samtali við Karfan.is að hann hafi ekki verið nægilega sáttur það sem sneri að körfuknattleiknum.

„Þetta hentaði mér bara ekki. Skólinn var góður námslega séð, reyndar mjög góður, en ég var ekki sáttur með körfuboltann," segir Oddur sem hyggur á nám í viðskiptafræði við Háskólann í Reykjavík.