Gæti verið á leiðinni í NFL eftir Youtube-myndband

Líf Norðmannsins Havard Rugland mun líklega breytast mikið á næstu vikum en hann var boðaður á reynslu til ameríska fótboltaliðsins New York Jets eftir að myndband af honum var birt á Youtube.

Í umræddu myndbandi sýnir Havard magnaða takta með amerískum fótbolta og virðist hann búa yfir gríðarlegri tækni þegar hann sparkar í knöttinn.

Þegar forráðarmenn Jets komust yfir myndskeiðið höfðu þeir strax samband við Havard og fengu hann til æfinga hjá liðinu.

Ef drengurinn getur sparkað eins og æfingum og sést hér á myndbandinu að ofan þá mun án efa samningur liggja á borðinu fyrir þann norska.

Rugland er 27 ára og hefur í raun aldrei leikið þessa íþrótt, en hann hefur gaman af boltanum.