Njarðvík fór létt með B-lið Keflavíkur

Njarðvíkingar unnu öruggan sigur á B-liði Keflavíkur í 32liða úrslitum Fyrirtækjabikars karla í körfuknattleik í kvöld. Lokatölur urðu 130-64 gestunum úr Njarðvík í vil.

Njarðvíkingar skoraðu 69 stig í fyrri hálfleik og leiddu með 41 stigi í hálfleik. Stigaskorun gestanna dreifðist nokkuð jafnt en Hjörtur Einarsson skoraði flest eða 22.

Hjá B-liði Keflavíkur, sem að mestu er skipað gömlum kempum sem spiluðu með aðalliði félagsins á sínum tíma, skoraði Elentínus Margeirsson mest eða 15 stig.

Keflavík b: Elentínus Margeirsson 15, Albert Óskarsson 13/7 fráköst, Guðjón Skúlason 8, Falur Jóhann Harðarson 6, Sigurður Ingimundarson 5/4 fráköst, Gunnar Einarsson 4/6 fráköst, Jón Nordal Hafsteinsson 4, Gunnar H. Stefánsson 3, Sverrir Þór Sverrisson 3/5 fráköst, Davíð Þór Jónsson 2/4 fráköst, Hjörtur Harðarson 1.

Njarðvík: Hjörtur Hrafn Einarsson 22/5 fráköst, Marcus Van 17/12 fráköst, Maciej Stanislav Baginski 16/7 fráköst/5 stoðsendingar, Ólafur Helgi Jónsson 16/4 fráköst, Nigel Moore 15/4 fráköst/5 stoðsendingar, Ágúst Orrason 15, Elvar Már Friðriksson 12/7 stoðsendingar, Friðrik E. Stefánsson 6/9 fráköst, Magnús Már Traustason 6/4 fráköst, Óli Ragnar Alexandersson 5/5 fráköst/5 stoðsendingar.