HK og FH mætast í Símabikarnum

Bikarkeppni HSÍ fékk nýtt nafn í hádeginu en nú verður keppt í Símabikarnum þar sem að Eimskip, sem hefur verið styrktarðili bikarkeppninnar síðustu ár hélt samstarfi við HSÍ ekki áfram. Dregið var um leið í 16 liða úrslitin hjá bæði körlum og konum.

Stórleikur sextán liða úrslita Símabikars karla er örugglega leikur HK og FH í Digranesi en þessi lið mættust einmitt í lokaúrslitum Íslandsmótsins á síðustu leiktíð. Einn annar N1-deildar slagur er í 16 liða úrslitunum því Afturelding tekur á móti Akureyri.

Stærsti leikurinn hjá konunum er leikur Stjörnunnar og HK í Garðabænum en þrír aðrir N1-deildar slagir fara einnig fram: Haukar - Grótta, ÍBV - Afturelding og Fylkir - FH.

Þessi lið mætast í 16 liða úrslitum Símabikars karla:

HK - FH

Afturelding - Akureyri

Grótta - Haukar

Hörður eða Þróttur - Fjölnir

ÍBV 2 - ÍBV

HKR eða Völsungur - Stjarnan

Fylkir 2 - ÍR

Selfoss - Valur

Leikið verður daganna 2. og 3. desember 2012

Þessi lið mætast í 16 liða úrslitum Símabikars kvenna:

Stjarnan - HK

Haukar - Grótta

Fjölnir - Selfoss

ÍBV - Afturelding

Fylkir - FH

Valur, Fram og ÍBV 2 sitja hjá.

Leikið verður daganna 22. og 23. janúar 2013