Kærasta Boateng: Ekki mér að kenna að hann spili illa

Frammistaða Kevin-Prince Boateng með AC Milan að undanförnu hefur valdið vonbrigðum. Kærastan hans ber af sér alla sök.

Fjölmiðlar á Ítalíu hafa velt því fyrir sér hvort að Boateng sé að spila illa vegna vandræða í einkalífinu.

„Ég er ekki að valda Boateng vandræðum. Ég er venjuleg kærasta og hann mun komast fljótlega í sitt gamla form. Ég hef alltaf stutt hann og AC Milan," sagði hin 26 ára gamla Melissa Satta.

„Ég sá þetta í fjölmiðlum en þetta er ekki mér að kenna," ítrekaði hún.

AC Milan er sem stendur í ellefta sæti ítölsku úrvalsdeildarinnar.