Fimleikalandsliðið á leið á Norður-Evrópumeistaramótið

Íslenska landsliðið í áhaldafimleikum er á leiðinni á Norður Evrópumeistaramótið sem haldið er í Glasgow, Skotlandi, dagana 19. til 21.október. Fimm konur og fjórar karlar voru valdir í liðið að þessu sinni og á Gerpla flesta í liðinu eða fimm.

Í fréttatilkynningu frá Fimleikasambandinu segir að von sé á hörkukeppni en alls mæta 10 þjóðir til leiks, bæði í kvennaflokki og karlaflokki. Keppendur koma frá Skotlandi, Írlandi, Wales, N-Írlandi, Island of Man, Svíþjóð, Danmörku, Finnlandi, Noregi og Íslandi.

Íslenski landsliðshópurinn heldur af stað á morgun, æfir í Glasgow á föstudaginn en mótið sjálft hefst á laugardaginn með liðakeppni og fjölþraut, úrslit á einstökum áhöldum fara svo fram á sunnudaginn.

Íslenska landsliðið hefur náð góðum árangri á þessu móti undanfarin ár og er von þjálfara að svo verði einnig núna miðað við þann undirbúning sem keppendur hafa lagt á sig.

Landslið Íslands er skipað eftirfarandi einstaklingum:

Dominiqua Alma Belányi, Grótta

Embla Jóhannesdóttir, Grótta

Hróbjartur Pálmar Hilmarsson, Gerpla

Jón Gunnar Sigurðsson, Ármann

Norma Dögg Róbertsdóttir, Gerpla

Ólafur Garðar Gunnarsson, Gerpla

Sigurður Andrés Sigurðsson, Ármann

Thelma Rut Hermannsdóttir, Gerpla

Tinna Óðinsdóttir, Gerpla

Varamenn eru: Agnes Suto, Gerpla, Kristjana Ýr Kristinsdóttir, Björk, og Sigríður Hrönn Bergþórsdóttir, Gerpla.

Þjálfarar eru; Berglind Pétursdóttir, Gennadiy Zadorozhniy og Guðmundur Brynjólfsson. Dómarar eru: Andri Vilberg Orrason og Sandra Dögg Árnadóttir.Fararstjóri er Davíð Ingason.