Snæfell vann tvöfalt um helgina

Karla- og kvennalið Snæfells báru um helgina sigur úr býtum á æfingamótum sem þau tóku þátt í. Karlaliðið fagnaði sigri á Reykjanes Cup og konurnar í Ljósanæturmóti Njarðvíkur.

Strákarnir töpuðu að vísu fyrir Njarðvík í fyrsta leiknum en unnu svo bæði Keflavík og Grindavík í hinum tveimur leikjunum. Grindavík hafnaði svo í öðru sæti.

Njarðvík, Grindavík og Fjölnir tók þátt í Ljósanæturmótinu ásamt Snæfelli. Snæfell vann alla sína leiki og ljóst að liðið mætir með öflugt lið til keppni í Domino's-deildinni í vetur.

Ingi Þór Steinþórsson þjálfar bæði lið.