Beckenbauer vill fá Khedira til Bayern

Þýska goðsögnin Franz Beckenbauer er mjög hrifinn af miðjumanninum Sami Khedira en hann hefur farið mikinn á miðjunni hjá Real Madrid og þýska landsliðinu.

Beckenbauer er samt ekki mjög hrifinn af því að hafa leikmanninn á Spáni og vill að hann spili fyrir Bayern München.

"Hann er nákvæmlega leikmaðurinn sem Bayern vantar. Hann er algjör heimsklassaleikmaður eins og hann sannaði á EM í sumar," sagði Beckenbauer.

"Hjá Madrid hefur hann þroskast í mikinn leiðtoga. Það eru afar fáir leikmenn með sömu karaktereinkenni og hann. Bayern hefur marga góða leikmenn en stundum gefa þeir bara 70 eða 80 prósent. Það er ekki nóg. Stuðningsmenn vilja sjá leikmenn gefa 100 prósent."