Þórsarar í góðri stöðu eftir markalaust jafntefli á Írlandi | Myndir

Þór Akureyri fór fína ferð til Dublin á Írlandi í kvöld þar sem liðið gerði markalaust jafntefli við Bohemians í fyrri leik liðanna í 1. umferð forkeppni Evrópudeildarinnar í knattspyrnu.

Ef marka má tölfræðina úr leiknum voru heimamenn sterkari aðilinn í leiknum en tókst ekki að troða knettinum í netið. Liðin áttu þó jafnmörg skot á markið sem gefur til kynna að Þórsarar hafa látið finna fyrir sér í sókn sem vörn.

Þór, sem hafnaði í öðru sæti bikarsins á síðustu leiktíð en leikur nú í 1. deild, er í góðri stöðu fyrir seinni leik liðanna sem fram fer norðan heiða næstkomandi fimmtudag.

Myndir frá leiknum má sjá hér neðst í fréttinni.