Öruggt hjá ÍBV í Eyjum

Eyjastúlkur skutust upp í þriðja sæti Pepsi-deildar kvenna, tímabundið hið minnsta, er þær unnu öruggan sigur, 3-0, á Fylki í Eyjum.

Kristín Erna Sigurlásdóttir kom ÍBV yfir eftir 28 mínútur og þannig stóðu leikar allt þar til á 81. mínútu er Anna Þórunn Guðmundsdóttir bætti öðru markinu við.

Það var svo Svava Tara Ólafsdóttir sem gerði út um leikinn tveim mínútum síðar.

ÍBV með 9 stig í þriðja sæti eða jafnmörg stig og Stjarnan sem er enn að spila sinn leik og getur komist í annað sætið með sigri.