Athletic Bilbao, Atletico Madrid og Sporting áfram í undanúrslit

Spænsku félögin Athletic Bilbao, Atletico Madrid auk Sporting frá Lissabon tryggðu sér sæti í undanúrslitum Evrópudeildarinnar í knattspyrnu í kvöld.

Athletic Bilbao er komið í undanúrslit Evrópudeildarinnar eftir 2-2 jafntefli gegn Schalke á Spáni. Athletic vann fyrri leik liðanna í Þýskalandi 4-2 og stóð því vel að vígi fyrir leikinn í kvöld.

Klaas-Jan Huntelaar kom gestunum yfir eftir hálftímaleik og kveikti vonarneista hjá stuðningsmönnum Schalke. Sá neisti var slökktur af Ibai Gomez sem jafnaði skömmu fyrir leikhlé.

Raul kom gestunum á ný yfir í síðari hálfeik en Markel Susaeta jafnaði strax í kjölfarið og vonin að engu orðin.

Athletic Bilbao - Schalke 2-2

0-1 Klaas-Jan Huntelaar 29. mín

1-1 Ibai Gómez 41. mín

1-2 Raul 52. mín

2-2 Markel Susaeta 55. mín

Athletic áfram samanlagt 6-4.

Sporting náði jafntefli í Úkraínu

Sporting frá Lissabon tryggði sér einnig sæti í undanúrslitum eftir 1-1 jafntefli gegn Metalist Kharkiv í síðari leik liðanna í Úkraínu. Sporting vann 2-1 sigur í fyrri leiknum og fer áfram samanlagt 3-2.

Cleiton Xavier brenndi af vítaspyrnu á 64. mínútu fyrir Metalist.

Metalist - Sporting 1-1

0-1 Ricky van Wolfswinkel 44. mín

1-1 Jonathan Cristaldo 57. mín

Sporting áfram samanlagt 3-2.

Atleticco Madrid kláraði Hannover í Þýskalandi

Atletico Madrid sá til þess að Spánverjar eiga þrjá fulltrúa í undanúrslitum með 2-1 útisigri á Hannover 96 í Þýskalandi. Hannover hafði hvorki tapað í deild né Evrópu fyrir kvöldið í kvöld en er nú úr leik.

Kólumbíumaðurinn Falcao skoraði sigurmarkið undir lok leiksins.

Fimm af átta liðunum sem eftir eru í Evrópukeppnum eru frá Spáni því Barcelona og Real Madrid eru komin í undanúrslit Meistaradeildar Evrópu.

Hannover 96 - Atletico Madrid 1-2

0-1 Adrián 63. mín

1-1 Mame Biram Diouf 81. mín

1-2 Radamel Falcao 87. mín

Atletico fer áfram samanlagt 4-2.