Fiorentina vann AC Milan | Juve getur farið á toppinn í kvöld

Átta leikjum er lokið í ítölsku seríu A-deildinni í knattspyrnu en Fiorentina gerði sér lítið fyrir og vann toppliðið í AC Milan 2-1 á útivelli.

Zlatan Ibrahimovic kom Milan yfir eftir hálftíma leik úr vítaspyrnu. Stevan Jovetic jafnaði metin fyrir Fiorentina í upphafi síðari hálfleiksins. Það var síðan Amauri sem skoraði sigurmark gestanna þegar aðeins ein mínúta var eftir af venjulegum leiktíma.

AC Milan er enn í efsta sæti deildarinnar með 64 stig en núna munar aðeins tveimur stigum á þeim og Juventus sem á leik til góða síðar í kvöld.

Lecce vann frábæran sigur á Roma 4-2 á heimavelli. Lecce gerði sér lítið fyrir og skoraði fjögur fyrstu mörk leiksins en Roma náði að bjarga andlitinu með tveimur mörkum í síðari hálfleiknum.

Cagliari og Inter gerði 2-2 jafntefli á heimavelli Cagliari.

Davide Astori kom Lecce yfir í upphafi leiksins en Diego Milito jafnaði síðan metin aðeins einni mínútu síðar. Mauricio Pinilla kom heimamönnum síðan aftur yfir þegar hálftími var eftir af leiknum . Esteban Cambiasso, leikmaður Inter, jafnaði síðan leikinn nokkrum mínútum síðar og því fór sem fór.

Úrslit dagsins:

AC Milan - Fiorentina - 1 - 2

Atalanta - Siena - 1 - 2

Cagliari - Inter Milan - 2 - 2

Cesena - Bologna 0 - 0

Chievo - Catania - 3 - 2

Lecce - AS Roma - 4 - 2

Novara - Genoa - 1 - 1

Udinese - Parma 3 - 1