Viðskipti erlent

NunaMinerals fann demanta á Grænlandi

Grænlenska námufyrirtækið NunaMinerals hefur fundið demanta á Grænlandi. Demantarnir fundust á námusvæði sem kallað er Ullu eða Hreiðrið en það liggur norðaustur af Nuuk.

Í tilkynningu frá NunaMinerals segir að nú verði hafist handa við að kanna hvort demantarnir séu í nægilega miklu magni á þessu svæði til að það borgi sig að vinna þá.

NunaMinerals er skráð í kauphöllina í Kaupmannahöfn og eftir að tilkynningin barst hafa hluti í því hækkað um 26% í verði.



Mest lesið


Fleiri fréttir

Sjá meira


×

Mest lesið