Walker mjög ánægður með ákvörðun skilanefnda

Malcolm Walker forstjóri Iceland verslunarkeðjunnar segir að hann sé mjög ánægður með að skilanefndir Landsbankans og Glitnis ætli að semja við sig og aðra stjórnendur keðjunnar um kaupin á henni.

Þetta kemur fram í viðtali við Walker á Reuters. Walker segir einnig að skilanefndirnar hafi séð mikilvægi þess að núverandi stjórnendur Iceland séu lykilinn að áframhaldandi velgengi keðjunnar.

Þá kemur fram að Walker segist vera vongóður um að gengið verði frá kaupunum á næstu vikum.