Gylfi kom inn á sem varamaður í jafntefli Hoffenheim

Gylfi Þór Sigurðsson fékk að sila síðustu 22 mínúturnar þegar Hoffenheim gerði 2-2 jafntefli á heimavelli á móti St. Pauli í þýsku úrvalsdeildinni í fótbolta í dag.

Gylfi kom inn á sem varamaður á 68. mínútu í stöðunni 1-1 en Gerald Asamoah kom St. Pauli í 1-2 þrettán mínútum síðar. David Alaba tryggði Hoffenheim jafntefli þegar hann skoraði jöfnunarmarkið á 90. mínútu.

Marvin Compper, leikmaður Hoffenheim, skoraði fyrsta mark leiksins á 29. mínútu en Max Kruse jafnaði fyrir St. Pauli þegar sex mínútur voru liðnar af seinni hálfleik.