Griffin fyrsti nýliðinn í Stjörnuleiknum í 8 ár - fjórir Boston-menn valdir

Blake Griffin, nýliði Los Angeles Clippers, var valinn í Stjörnuleikinn í NBA-deildinni í gær líkt og Kevin Garnett, leikmaður Boston, sem um leið jafnaði met þeirra Jerry West, Shaquille O'Neal og Karl Malone með því að vera valinn í leikinn 14. árið í röð. Þjálfarar Austur- og Vesturdeildanna kusu um hvaða leikmenn fylla upp leikmannahópa Stjörnuliðanna en byrjunarlið Stjörnuliðanna voru valin af áhugafólki um NBA-deildina.

Blake Griffin varð fyrsti nýliðinn til að vera valinn í Stjörnuleikinn síðan að Kínverjinn Yao Ming var kosinn í Stjörnuleikinn árið 2003. Stjörnuleikurinn verður spilaður á heimavelli Giffin, Staples Center í Los Angeles Lakers, og fer fram 20. febrúar næstkomandi.

Fjórir leikmenn Boston Celtics komust í lið Austurdeildarinnar en auk Garnett eru þeir Rajon Rondo, Paul Pierce og Ray Allen í liðinu. Þeir jöfnuðu þar met met fjögurra leikmanna Detroit Pistons frá 2006 sem er eina liðið sem hefur einnig átt fjóra varamenn í Stjörnuleiknum. Chauncey Billups, Richard Hamilton, Ben Wallace og Rasheed Wallace voru valdir í stjörnuliðið fyrir fimm árum.

Boston og Detroit eru þó ekki einu liðin til að eiga fjóra stjörnuleikmenn en það áttu einnig lið Boston Celtics (1953, 1962 og 1975), Los Angeles Lakers Lakers (1962 og 1998) og Philadelphia 76ers (1983).

Tim Duncan hjá San Antonio Spurs var valinn í Stjörnuliðið í þrettánda sinn og Chris Bosh, félagi þeirra LeBron James og Dwyane Wade hjá Miami, var einnig valinn í liðið.

Það var örugglega mun erfiðara að velja varamennina vestan megin því sterkir leikmenn eins og Tony Parker, Kevin Love, LaMarcus Aldridge, Zach Randolph og Lamar Odom sitja eftir með sárt ennið að þessu sinni.

Stjörnulið NBA-deildarinnar 2011

Lið Austurdeildarinnar:

Byrjunarlið:

Derrick Rose, Chicago Bulls

Dwyane Wade, Miami Heat

LeBron James, Miami Heat

Amar'e Stoudemire, New York Knicks

Dwight Howard, Orlando Magic

Varamenn:

Ray Allen, Boston Celtics

Chris Bosh, Miami Heat

Kevin Garnett, Boston Celtics

Al Horford, Atlanta Hawks

Joe Johnson, Atlanta Hawks

Paul Pierce, Boston Celtics

Rajon Rondo, Boston Celtics

Þjálfari:

Doc Rivers (Boston Celtics)



Lið Vesturdeildarinnar:

Byrjunarlið:

Chris Paul, New Orleans Hornets

Kobe Bryant, Los Angeles Lakers

Kevin Durant, Oklahoma City Thunder

Carmelo Anthony, Denver Nuggets

Yao Ming, Houston Rockets (meiddur)

Varamenn:

Tim Duncan, San Antonio Spurs

Pau Gasol, Los Angeles Lakers

Manu Ginóbili, San Antonio Spurs

Blake Griffin, Los Angeles Clippers

Dirk Nowitzki, Dallas Mavericks

Russell Westbrook, Oklahoma City Thunder

Deron Williams, Utah Jazz

Þjálfari:

Gregg Popovich (San Antonio Spurs)