Stjörnumenn hafa hækkað sig um heilt Íslandsmót

Stjörnumenn komu mikið á óvart í sumar þegar litið er á spá forráðamanna, fyrirliða og þjálfara fyrir mót. Stjörnuliðinu var spáð 10. sætinu en var síðan aðeins hárbreidd frá því að ná þriðja sætinu, sem hefði gefið sæti í Evrópukeppni.

Þetta er ekki fyrsta sumarið sem Stjörnumenn koma á óvart undir stjórn Bjarna Jóhannssonar því þegar betur er að gáð kemur í ljós að Garðbæingar hafa hækkað sig samanlagt um tólf sæti síðustu þrjú sumur ef lokastaða liðsins er borin saman við spána í byrjun móts. Stjörnuliðinu var spáð 12. sæti 2009 (7. sæti), 9. sæti 2010 (8. sæti) og loks 10. sæti í ár (4. sæti).

Eyjamenn koma næstir (upp um 9 sæti) en Keflavík (niður um 7 sæti), Valur (-6) og Grindavík (-5) hafa hins vegar valdið mestum vonbrigðum undanfarin þrjú tímabil ef tekið er mið af þessari tölfræði.

Gengi liða 2009-2011

Gengi liða á Íslandsmótinu út frá spám fyrir Íslandsmótin 2009, 2010 og 2011:

Stjarnan: +12 sæti

ÍBV: +9

Fylkir: +4

Breiðablik: 0

KR: –1

FH: –1

Fram: –2

Grindavík: –5

Valur: –6

Keflavík: –7

(Aðeins lið sem voru með öll þrjú árin.)