Hjólhýsa-Beyoncé ekki trúverðug

Söngkonan Beyoncé frumsýndi nýverið tónlistarmyndband við lagið Party. Myndbandið gerist í hjólhýsahverfi þar sem Beyoncé og vinir hennar skemmta sér við söng og dans.

Í myndbandinu klæðist Beyoncé litríkum og djörfum fatnaði og þrátt fyrir að persóna hennar búi í hjólhýsi virðist það ekki stöðva hana í að kaupa hátískufatnað. Hjólhýsa-Beyoncé klæðist nefnilega flíkum frá tískuhúsum á borð við Louis Vuitton, Givenchy og Nicholas Kirkwood fyrir Rodarte sem er ekki beint trúverðugt.