Skilin eftir tvo mánuði

Tara Reid tilkynnti nýverið að hún og eiginmaður hennar til tveggja mánaða væru skilin. Reid sló í gegn á tíunda áratugnum fyrir leik sinn í gamanmyndunum American Pie.

Reid giftist kaupsýslumanninum Zack Kehayov í Grikklandi í ágúst og í kjölfarið birti tímaritið Life & Style myndir af brúðhjónunum skælbrosandi í sólinni á Grikklandi. En nú hafa þau ákveðið að fara hvort í sína áttina og viðurkenndi Reid að hjónabandið hefði í raun aldrei verið löglegt, í það minnsta ekki í heimalandinu.