Tottenham tapaði á heimavelli - öll úrslit kvöldsins

Gríska liðið PAOK tryggði sér í kvöld sæti í 32-liða úrslitum Evrópudeildar UEFA með 2-1 sigri á Tottenham á heimavelli. Þeir ensku eru í slæmri stöðu fyrir lokaumferð riðlakeppninnar og eru nánast úr leik.

Tottenham verður að vinna Shamrock Rovers með nokkum stórum mun í lokaumferð riðlakeppninnar og treysta á að PAOK vinni Rubin Kazan á sama tíma.

Grikkirnir voru komnir með 2-0 forystu eftir aðeins þrettán mínútur með mörkum þeirra Dimitrios Salpingidis og Stefanos Athenaiadis. Kostas Stafylidis fékk svo að líta beint rautt spjald á 37. mínútu fyrir að verja skot Harry Kane á marklínu með höndinni.

Víti var dæmt og Luka Modric náði að minnka muninn fyrir heimamenn í 2-1. En þrátt fyrir að hafa verið í yfirtölu allan seinni hálfleikinn náði Tottenham ekki að jafna metin. Jermain Defoe kom reyndar boltanum í markið en það var dæmt af.

Íslendingaliðið FC Kaupmannahöfn er hins vegar úr leik eftir 1-1 jafntefli gegn Vorskla Poltava frá Úkraínu. Sölvi Geir Ottesen og Ragnar Sigurðsson spiluðu báðir allan leikinn en sóknarmaður FCK, Dame N'Doye, skoraði reyndar bæði mörk leiksins.

AZ Alkmaar er í ágætri stöðu eftir markalaust jafntefli gegn sænska liðinu Malmö á útivelli í kvöld. Jóhann Berg Guðmundsson kom inn á sem varamaður í seinni hálfleik í leiknum.

AZ dugir líklega jafntefli við Metalist Kharkov í lokaumferðinni til að tryggja sér sæti í 32-liða úrslitunum en síðarnefnda liðið er þegar búið að tryggja sér sigur í riðlinum.

Hér fyrir neðan má sjá öll úrslit dagsins:

A-riðill:

Rubin Kazan - Shamrock Rovers 4-1

Tottenham - PAOK Thessaloniki 1-2

B-riðill:

Standard Liege - Hannover 96 2-0

Vorskia Poltava - FCK 1-1

G-riðill:

Malmö FF - AZ Alkmaar 0-0

Metalist Kharkiv - Austria Vienna 4-1

I-riðill:

Stade Rennes - Udinese 0-0

Celtic - Atletico Madrid 0-1

H-riðill:

NK Maribor - Club Brugge 3-4

Sporting Braga - Birmingham City 1-0

C-riðill:

Rapid Búkarest - Hapoel Tel Aviv 1-3

Legia Varsjá - PSV Eindhoven 0-3