Nýtt framboð til stjórnar SVFR

Í gærkveldi barst skrifstofu SVFR framboð frá Herði Birgi Hafsteinssyni félaga nr. 2127 til stjórnar á aðalfundi félagsins þann 26. nóvember.

Áður höfðu sitjandi stjórnarmenn, þeir Árni Friðleifsson, Bernhard A. Petersen og Hilmar Jónsson gefið kost á sér og því ljóst að það verður stjórnarkjör á komandi aðalfundi. 

Fram eru komnir fjórir einstaklingar en aðeins þrjú sæti eru í boði fyrir utan formannssætið þar sem Bjarni Júlíusson gefur kost á sér til endurkjörs.

Samkvæmt lögum félagsins ber  að skila inn framboðum til skrifstofu eigi síðar en fjórtán dögum fyrir aðalfund, og rennur framboðsfrestur því út á hádegi næstkomandi laugardag, þann 12. nóvember.

Birt með góðfúslegu leyfi SVFR