Milan getur fengið Aquilani á góðu verði

Ítalska miðjumanninum Alberto Aquilani hefur gengið illa að finna sér framtíðarheimili en Liverpool hefur lánað hann til Ítalíu síðustu tvö ár.

Framtíðarheimilið gæti þó verið hjá AC Milan en Milan getur keypt leikmanninn af Liverpool á 6 milljónir evra ef hann spilar 25 leiki fyrir félagið í vetur.

Aquilani hefur þegar spilað 13 leiki fyrir Milan í vetur og staðið sig vel. Miðjumaðurinn greindi í dag frá því að Milan gæti fengið hann á þessa upphæð.

"Mér líður vel hjá Milan og myndi aldrei hafna því að vera hér áfram. Mig dreymdi alltaf um að verða leikmaður hjá félaginu," sagði Aquilani sem er í láni út veturinn.