Vucinic rændur um hábjartan dag

Mirko Vucinic, framherji Juventus, lenti í þeirri óskemmtilegu reynslu að vera rændur um hábjartan dag í Tórínó. Tveir þjófar á vespu rændu hann öllu sem hann var með á sér.

Atvikið átti sér stað í gærmorgun en Vucinic var þá á göngu um borgina er ræningjarnir keyrðu upp að honum.

Vucinic reyndi að verjast en mátti ekki við margnum og þjófarnir komust meðal annars á brott með rándýrt úr sem Vucinic bar.

Lögreglan rannsakar málið en Vucinic er ekkert sérstaklega bjartsýnn á að sjá úrið aftur.