Íslenski boltinn

Enginn krísufundur hjá Keflavík - Haraldur farinn til Start

Kolbeinn Tumi Daðason skrifar
Keflvíkingar fagna marki á KR-vellinum í sumar.
Keflvíkingar fagna marki á KR-vellinum í sumar. Mynd / Vilhelm
Knattspyrnudeild Keflavíkur hefur sent frá sér yfirlýsingu vegna fregna af krísufundi hjá stjórn deildarinnar og brotthvarfi fyrirliðans Haralds Freys Guðmundssonar.

Víkurfréttir greindu frá því í gær að fjölmiðillinn hefði áreiðanlegar heimildir fyrir fyrirhugaðir brottför Haralds Freys frá félaginu. Þá var staða Willums Þórs sem þjálfara liðsins sögð í óvissu. Hann fengi samkvæmt heimildum fréttastofunnar að klára tímabilið en yrði látinn fara að því loknu.

Yfirlýsingin frá Keflvíkingum

Vegna frétta af málefnum Knattspyrnudeildar Keflavíkur vill stjórn deildarinnar að það komi fram að enginn krísufundur hafi verið haldinn hjá deildinni og ekki er búið að ákveða neitt í þjálfaramálum og allar fréttir um slíkt tal eru úr lausu lofti gripnar.

Fyrirliðinn okkar Haraldur Freyr Guðmundsson hefur gert starfslokasamning við Keflavík að eigin ósk og er farinn til Noregs. Haraldur gerði samning við Start fram að áramótum. Samkomulag var gert á milli knattspyrnudeildar og Haraldar um það að ef hann kemur heim til að spila knattspyrnu þá mun hann klæðast treyju Keflavíkur.

f.h. stjórnar Knattspyrnudeildar Keflavíkur.

Þorsteinn Magnússon,

formaður

Pepsi Max-deild karla

Tengdar fréttir

Víkurfréttir: Haraldur til Noregs og framtíð Willums rædd í Keflavík

Haraldur Freyr Guðmundsson, fyrirliði Keflavíkur, verður ekki meira með Keflvíkingum á þessu tímabili því hann hefur gert samning til áramóta við norska félagið Start. Víkurfréttir segir frá þessu í kvöld og einnig frá því að knattspyrnudeild Keflavíkur sé að ræða framtíð Willums Þórs Þórssonar.

Mest lesið


Fleiri fréttir

Sjá meira


×

Mest lesið