Tryggva vantar bara eitt mark í að jafna metið - myndir

Tryggvi Guðmundsson skoraði tvö mörk og lagði upp eitt í 3-1 sigri ÍBV á Víkingi í Pepsi-deild karla í gærkvöldi. Tryggvi hefur þar með skorað 125 mörk í efstu deild og vantar aðeins eitt mark til að jafna markamet Inga Björns Albertssonar.

Eyjamenn eru því áfram tveimur stigum á eftir toppliði KR-ingar og ætla ekki að gefa neitt eftir í baráttunni um Íslandsmeistaratitilinn.

Stefán Karlsson, ljósmyndari Fréttablaðsins og Vísis, var á leik Víkinga og ÍBV á Víkingsvellinum í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.