Flott veiði í Hólsá og Ármóti

Mikil laxgengd er núna á í Hólsá og neðri svæðum Eystri Rangár og menn að gera frábæra veiði á svæðinu.  Hólsársvæðið Eystra telur frá bænum Ármóti og niður að ós Hólsár að austanverðu.  Þarna fer allur fiskurinn í gegn sem fer uppí Eystri Rangá og miðað við veiðitölur úr báðum ánum síðustu daga er veisla framundan.

Miðað við taktinn í veiðunum undanfarin ár er þetta besti tíminn núna og fram til ca. 18. ágúst og má reikna með að svæðið gefi yfir 500 laxa á þessu ári jafnvel betra.  Mest af laxinum kemur upp í hylnum fyrir neðan Ármót, við Ártún og við nokkra mela þar á milli.  Mikið af fiski er þó niður á söndunum við ósinn og það er bæði lax og sjóbirtingur.