Veiði

Blanda gefur enn vel

Karl Lúðvíksson skrifar
Mynd af www.lax-a.is
Þrátt fyrir að lónið uppi á hálendi sé að fyllast er fantagóð veiði á svæðum eitt, tvö og þrjú í Blöndu.

 Við heyrðum af 2 veiðimönnum sem tóku 14 laxa á 2 dögum á svæðum 2 og 3 og eins af öðrum veiðimönnum sem einnig veiddu 1 – 3 laxa á einni vakt á svæði 2.

 Svæði 1 gefur enn vel og svo virðist sem spúna- og maðkabann á Breiðunni gefist vel því fiskur er lagstur víðsvegar í henni og eru menn að taka laxa út um allt þar. Eins hafa veiðst allnokkrir á flugu í Damminum, en sá staður hentar ágætlega til fluguveiða – mun betur margir virðast telja.

 Yfirfallið vofir yfir eins og svo oft áður – nýjasta spá gerir ráð fyrir því á laugardagskvöldið. Þangað til það brestur á má búast við feyknafjöri í Blöndu.

Birt með góðfúslegu leyfi Lax-Á

Stangveiði

Mest lesið




×

Mest lesið