Hagnaður Century Aluminium 2,6 til 2,9 milljarðar

Century Aluminium, móðurfélag Norðuráls á Grundartanga, reiknar með að hagnaður þess á öðrum ársfjórðungi ársins nemi 23 til 25 milljónum dollara eða 2,6 til 2,9 milljarða króna.

Þetta er nokkru minna en áætlanir gerðu ráð fyrir og stafar af því að kostnaðurinn við að endurræsa álver félagsins í Hawesville í Bandaríkjunum reyndist meiri en talið var.

Í tilkynningu frá félaginu um málið segir að flutningar á unnu áli frá Norðuráli hafi numið 69.300 tonnum á ársfjórðungnum og jukust þeir um 3% frá sama tímabili í fyrra