Tungufljótsdeilan til lykta leidd

Á vefnum www.votnogveidi.is er þessi frétt. Fyrir skemmstu felldi Héraðsdómur Suðurlands dóm í máli Tungufljótsdeildar Veiðifélags Árnessýslu gegn hjónum úr röðum eigenda Bergsstaða, en margir veiðimenn þekkja til deilna sem þar hafa staðið um veiðirétt. Dómurinn féll Veiðifélaginum í vil og ætti þar með að linna árekstrum á bökkum Tungufljóts neðan Faxa.

"Þetta er þvílíkur gleðidagur, enda er þetta mál búið að þæfast allt of lengi,“ sagði Stefán Sigurðsson sölustjóri hjá Lax-á, en félagið Tungufljót ehf, sem er í eigu Lax-ár, er leigutaki árinnar og hafa stöðugar fregnir af leiðindum borist að austan tvö síðustu sumur vegna veiða Bergsstaðamanna, sem hafa raðað sér upp á öndverðum bakka við viðskiptavini Lax-ár. Hefur á stundum verið sannkölluð spúnahríð með tilheyrandi deilum og köllum manna í millum, sem er ekki það sem menn eru að sækja í þegar haldið er út í guðs græna náttúruna til veiða. Ljóst má vera að umrætt ástand hafi ekki verið til að auðvelda markaðsetningu Lax-ár á svæðinu sem fyrirtækið hefur byggt upp og gert að miklu laxveiðisvæði með sleppingum gönguseiða.

Meira um þetta mál hér:

https://www.votnogveidi.is/frettir/almennt/nr/3855



Birt með góðfúslegu leyfi Vötn og Veiði