Heimir: Nú kom liðsheildin

„Stjarnan er með sterkt lið og við lentum í basli með löngu boltana í fyrri hálfleik. En heilt yfir var þetta góður leikur hjá FH og sanngjarn sigur," sagði Heimir sáttur.

"Það sem var í þessum leik en kannski hefur ekki verið er að það var liðsheild á bak við þetta. Það var samstaða og menn voru að hjálpa hvor öðrum og þá gerast oft góðir hlutir hjá FH.

"Við sýndum það að við vorum klárir í þetta. Við vorum náttúrulega að spila á móti góðu liði en þriðja markið breytir leikinn. Eftir það snérist þetta um að ná að skila þessu í hús og við gerðum það. Það var líka sterkt að fá ekki á okkur mark - það var jákvætt," sagði Heimir.