Stefán áfram á Hlíðarenda

Valur tilkynnti í kvöld að Stefán Arnarson verður áfram þjálfari kvennaliðs Vals í handbolta til næstu tveggja ára. Stefán hefur gert Val að Íslandsmeisturum síðustu tvö árin.

Einnig var tilkynnt að þær Guðný Jenný Ásmundsdóttir markvörður, Krstín Guðmundsdóttir og Karólína B. Gunnarsdóttir framlengdu alla samninga sína við Val til 2013.

Valur varð Íslandsmeistari í vor eftir 3-0 sigur gegn Fram í úrslitarimmunni um titilinn. Fram varð þó bikarmeistari eftir sigur á Val í úrslitaleik.