Víkingur í samstarf við West Brom

Víkingur tilkynndi á heimasíðu sinni í dag að félagið hefði gert samstarfssamning við enska úrvalsdeildarfélagið West Bromwich Albion.

Fram kemur að West Brom muni senda leikmenn til Víkings sem eigi svo möguleika á því að spila með aðalliði félagsins í Pepsi-deildinni.

Strax í næstu viku koma fyrstu leikmennirnir. Þeir eru Kemar Roofe, átján ára framherja, og Cameron Gayle sem er varnarmaður á nítjánda aldursári. Báðir hafa spilað með varaliði WBA í vetur.

James Hurst og Sam Manton, sem léku með ÍBV og Haukum í Pepsi-deildinni síðastliðið sumar, eru báðir á mála hjá West Brom. Andri Marteinsson, núverandi þjálfari Víkings, var einmitt þjálfari Hauka síðastliðið sumar.

Þá kemur einnig fram að samstarfið býður upp á að leikmenn Víkings fari og æfi með West Brom.