Anna: Fram átti þetta skilið

Keppnismanneskjan Anna Úrsula Guðmundsdóttir, leikmaður Vals, var að vonum svekkt með tapið gegn Fram í úrslitum Eimskipsbikarsins í dag.

"Fram átti þetta skilið. Þær væru skrefi á undan allan tímann og við náðum ekki að brúa bilið því miður," sagði Anna heiðarleg en Valur átti undir högg að sækja allan leikinn.

"Samspilið á milli varnar og markmanns var ekki í lagi í dag. Við fengum allt of mörg mörk á okkur.

"Þær vildu þetta meira í dag og það er erfitt að horfa upp á hitt liðið lyfta bikar. Við lærum samt af þessu og þetta var betri leikur en í fyrra er við töpuðum líka. Vonandi komum við brjálaðar í deildina núna."