Hissa á skiptum skoðunum

Það kom sumum úr hópi fyrrverandi Evrópuþingmanna sem hittu Jón Bjarnason, sjávarútvegs- og landbúnaðarráðherra, að máli á mánudag, á óvart að mjög skiptar skoðanir eru innan ríkisstjórnar og Alþingis um aðildarumsókn Íslands að Evrópusambandinu.

Þetta kemur fram í tilkynningu frá ráðherranum. Kemur þar jafnframt fram að þeir hinir sömu hafi spurt mjög út í hvernig hægt væri að vinna að aðildarsamningi við slíkar kringumstæður. Ekki fylgja upplýsingar um hverju Jón svaraði þeim spurningum. - bþs