Fótbolti

Langþráður deildarsigur Inter – Rafa Benítez óhultur í bili

Elvar Geir Magnússon skrifar
Esteban Cambiasso og Marco Materazzi fagna marki þess fyrrnefnda í dag.
Esteban Cambiasso og Marco Materazzi fagna marki þess fyrrnefnda í dag.
Evrópumeistararnir í Inter unnu langþráðan sigur í dag þegar þeir lögðu Parma 5-2 í ítölsku deildinni. Dejan Stankovic var í stuði og skoraði þrennu í leiknum.

Esteban Cambiasso og Thiago Motta skoruðu hin mörk Inter í leiknum en gamla brýnið Hernan Crespo skoraði bæði mörk Parma. Inter var 3-2 yfir í hálfleik en gerði svo út um leikinn í seinni hálfleiknum.

Rafa Benítez, knattspyrnustjóri Inter, getur því andað léttar en starfsöryggi hans hangir á bláþræði. Liðið hafði aðeins krækt í tvö stig úr fjórum deildarleikjum á undan þessum.

Ítalski boltinn

Mest lesið


Fleiri fréttir

Sjá meira


×

Mest lesið