Viðskipti erlent

Vogunarsjóðir græða grimmt á gríska harmleiknum

Vogunarsjóðir hafa grætt stórar upphæðir á skuldasúpu Grikklands með því að leggja fram tryggingar fyrir þá evrópsku banka sem liggja inni með stórar stöður í gríska hagkerfinu. Sjóðirnir sáu fyrir að þessir banka myndu vilja losa sig úr þessum stöðum og selja grísk skuldabréf sem þeir áttu.

Þetta kemur fram í Finnacial Times. „Það er hópur sjóða, kannski þrír eða fjórir, sem hafa haft þessi viðskipti sem grundvallartekjuöflun sína og hagnaðurinn er mikill," segir greinandi hjá einum af stærstu vogunarsjóðunum í London.

Í síðustu viku komu evrópskir stjórnmálamenn fram með harða gagnrýni á vogunarsjóði og aðra markaðsaðila sem versla mikið með skuldatryggingar. Hafa stjórnmálamennirnir hótað hertum lögum og reglum til að reyna að takmarka þessi viðskipti.







Mest lesið


Fleiri fréttir

Sjá meira


×

Mest lesið