Íslenska 21 árs landsliðið tapaði í Tékklandi en komst í umspilið

Íslenska 21 árs landsliðið komst inn í umspilið um sæti í úrslitakeppni Evrópukepppninnar þrátt fyrir 3-1 tap í Tékklandi í dag. Ísland var síðasta liðið sem komst inn af þeim sem enduðu í 2. sæti sinna riðla.

Fjórtán lið, tíu sigurvegarar riðlanna og fjögur lið sem enduðu með bestan árangur í 2. sæti komust í umspilið en síðasta umferð riðlakeppninnar fór fram á sama tíma í dag.

Samkvæmt útreikingum Vísis þá er íslenska liðið inni þar sem aðeins Spánn, England og Hvíta-Rússland voru með betri árangur af þeim liðum sem enduðu í 2. sæti. Þetta er samt birt með fyrirvara um að hér sé um réttan útreikning að ræða.

Tékkar voru sterkari frá byrjun í leiknum í dag og íslenka liðið var í vandræðum stóran hluta leiksins. Tékkar sýndu og sönnuðu að þeir eru með besta liðið í riðlinum.

Lukas Vacha kom Tékkum í 1-0 á 20. mínútu eftir að fengið nægan tíma til að athafna sig í teignum eftir fyrirgjöf Jan Kovaaik frá vinstri.

Tomas Pekhart kom Tékkum í 2-0 á 65. mínútu þegar hann skoraði af stuttu færi en hann var þó augljóslega rangstæður þegar hann fékk boltann frá félaga sínum Jan Vosahlik.

Aðeins þremur mínútum síðar kom Jan Kovaaik Tékkum í 3-0 með stórglæsilegu skoti fyrir utan teig sem fór í slánna og inn.

Íslenska liðið fór í gang eftir að það lenti 3-0 undir og Alfreð Finnbogason náði að minnka muninn með laglegu marki á 80. mínútu. Almarr Ormarsson átti flottan innkomu í íslenska liðið en liðið náði ekki að skora fleiri mörk þrátt fyrir nokkrar góðar sóknir.

Það verður dregið í umspilið á föstudaginn kemur en átta þjóðir taka þátt í úrslitakeppninni sem fram fer í Danmörku.