Moratti hefur tröllatrú á Benitez

Stórleikur dagsins í ítalska boltanum er viðureign Inter og AC Milan. Rafa Benitez, þjálfari Inter, fékk stuðningsyfirlýsingu fyrir leikinn frá stjórnarformanni félagsins.

Sá heitir Massimo Moratti og segist hann hafa tröllatrú á Benitez sem þjálfara.

"Ég er vissulega ekki nógu ánægður með úrslit síðustu leikja og frammistöðu liðsins. Engu að síður hef ég enn mikla trú á Benitez og því starfi sem hann er að vinna," sagði Moratti.

"Það er enn mikið eftir af þessu móti og við trúum því að við getum farið alla leið. Við viljum vinna."