Morðrannsókn formlega lokið - málið til ríkissaksóknara

Rannsókn lögreglunnar á morðinu á Hannesi Þór Helgasyni í Hafnarfirði í ágúst síðastliðnum er lokið samkvæmt tilkynningu frá lögreglunni á höfuðborgarsvæðinu.

Rannsóknargögn hafa verið send ríkissaksóknara og telst því rannsókn að fullu lokið.

Gunnar Rúnar Sigurþórsson hefur játað að hafa orðið Hannesi að bana. Rannsókn lögreglu hefur verið gríðarlega umfangsmikil og flókin en Gunnar var ekki úrskurðaður í gæsluvarðhald fyrr en um hálfum mánuði eftir að Hannes fannst látinn. Morðvopnið fannst mun síðar.

Ríkissaksóknari fer nú yfir málið og tekur ákvörðun um ákæru á næstu vikum.